పాఠశాల కాస్తా స్కూల్ అవుతుంది!.

జీవితం అనే సముద్రం లో అభివృద్ధి అనే  అలల తాకిడికి జ్ఞాపకం అనే ఓడ కొట్టుకుపోయింది ..... చెల్లా చెదురై .... కనుమరుగయ్యింది!.
మరేం లేదు .... మా ఊరిలో ప్రాథమిక పాఠశాల కూలగొట్టి కొత్తది కట్టడం మొదలుపెట్టారు  .... నేను అ ఆ ... ల నుండి 5 వ తరగతి వరకు ఆ పాఠశాలలో చదివాను ఆ బడి నేడు గతం లో  కలిసింది జ్ఞాపకం కాస్తా గతం అయింది .... ఇప్పుడు అక్కడ నిర్మాణ పనులు సాగుతున్నాయి.

అప్పట్లో ఆ గేటు ఉప ద్వారం లోంచి వెళ్తూ ఎగిరి పైన కొట్టడం టార్గెట్ ఇప్పుడు మోకాలు వంచి మెడ వంచి దాటాలి .... అంతే  గదా మరి 3 ఫీట్ల నుండి 6 ఫీట్ల కి పెరిగే సరికి .... దాన్ని కూలగొట్టారు :( .

 కింది చిత్రంలోనిది పీర్ల కొట్టం ..... మొహర్రం పండగ అప్పుడు మాత్రమె, మిగతా రోజుల్లో 1 వ తరగతి గది!.

ఈ కింది చిత్రం లోని...   పెద్ద వేప చెట్టు  పురాతనమైనది ,  6 సంవత్సరాలు ఆ నీడలో...  ఆ గాలికి ఆడుకున్నాం నేడు కూలగొడతారేమో!??

 ఈ కింది చిత్రం లో ఉన్న పిల్లల లాగానే మేమూ కూచుని పలక తో కుస్తీ పట్టేవాళ్ళము :) .

వ్యాఖ్యను జోడించు

అసలు నా అనుమానం ఏంటంటే ఆ భవనం బాగానే ఉంది కానీ కొంత మంది రాజకీయం కోసం .... కొందరు కమీషన్ కోసం కలిసి కొత్త భవనం కావాలి అని ఈ పని చేశారు అని.  ఏదైతేనేమి .....ఉన్న ఆ కాస్త గ్రౌండ్ పోయి అచ్చం సిటీ లో ఉండే ఇరుకు స్కూలు అవుతున్ది. 

అంటే పాఠశాల కాస్తా స్కూల్ అవుతుంది!.