జంధ్యాల

జంధ్యాల గారి హై  హై  నాయక  సినిమా మళ్ళీ ఓ సారి  చూసా ....ఆహా ఎం సినిమా అండీ మొత్తం సినిమా.....వర్షం వెలిసాక  తీసినట్టు ఉంది ఎంత బాగుంటుందో,అసలు ఈ సినిమా ని వర్షా కాలం లో చూస్తె ఇంకా బాగా ఉంటుంది.
మహానుభావుడు ఎంత మంచి సినిమాలు తీసాడు,అసలు ఈ సినిమా చూస్తూంటే భలే ఉంటుంది ఆ తెలుగు మాష్టారి కష్టాలు, బామ్మ చాదస్తం, ఆ పాటలు భలే గా ఉంటాయి ఆ లోకేషన్లు ఎక్కడివో గానీ కేక,పచ్చగా గడ్డి ,మచి పల్లె వాతావరణం.

ఇది సరిగమలెరుగని ........భాషే లేని భావము పాట ,  అచ్చులు పదహారు న వయసల్లె హల్లులు 32 పాట  ఇవ్వన్ని ఒక ఎత్తు.... గురువంటే గుండ్రాయి కాదు..పాట మస్తుగా ఉంటుంది.

ఒక్కొక్కరి నటన చాలా బాగుంది నరేష్ ఆక్టింగ్ సూపర్,ఆ బుడ్డోడి వేషం వేసింది ఎవరో గాని కెవ్వు అసలు,రాదా రాణి - మాష్టారి ప్రేమ- వారి మధ్య వచ్చే సన్నివేశాలు భలే నవ్వు తెప్పిస్తాయి!
అసలు నాకు మనసేం  బాగాలేనప్పుడు  ఈ సినిమా చూస్తే ..ఎంత రిలాక్సింగా ఉంటుందో!ఆ సినిమా నాకు బాగా నచ్చిన సినిమాల్లో ముందుంటుంది.
జంధ్యాల గారికి పే..............ద్ద  అభిమానిని అంటే వయసులో కాదండి!చాల ఇష్టం అని నా భావం,ఆయన సినిమాలు సుమారు 15 చూసుంటా(దర్శకత్వం చేసినవి ) అవన్నీ నాదగ్గర ఉన్నాయి కాని బాధ కలిగించే విషయం ఏంటంటే ఆయన దర్శకత్వం వహించిన సినిమాలు అన్ని అందుబాటులో లేవు అసలు వాటి లిస్టు పూర్తిగా ఎక్కడా దొరకదు వికీపీడియా  లో  ఉన్న సినిమాలల్లో కొన్ని మాత్రమె అందుబాటులో  ఉన్నాయి .

ఎం రాసినా తక్కువే .......ఎం రాయాలో తెలియడం లేదు ఇదెలా ఉందంటే ప్రేమలేఖ రాస్తున్నప్పుడుండేంత కఫ్యుశన్ గా ఉంది,పోలిక తప్పయినా భావం మాత్రం అదే అంత  ఇష్టం ఆయన సినిమాలు రచన,కనుక ఈ టపా ముగిస్తున్నాను.